Takaisin artikkelilistaukseen
Palkinnot
Govvadáiddár Outi Pieskii Suoma Kulturruhtarádjosa stuorrabálkkašupmi 35 000 euro
27.2.2020
Govvadáiddár Outi Pieski lea dovddus sihke su váikkuheaddji installašuvnnain, málagovain ja fotogovain, maid temát laktásit davvi lundui ja sámi kultuvrii.
Pieski lea bajásšaddan Helssegis ja válmmaštuvvan Govvadáiddaakademiijas (Kuvataideakatemia), Son lea stuđeren sámi duoji Sámi Oahpahusguovddážis Anáris. Dán áiggi son orru ja bargá sihke Mátta-Suomas ja sápmelaš áhčis ruovttuguovllus Ohcejoga Dálvadasas.
Bálkkašupmi addojuvvo áiggehis áiggi čuolmmaid čuolmmadeaddjái, davvi luonddu ja olbmo bealušteaddjái sánehis historjjá eallin dahkamis.
Sámi duojit leat árbedieđu mihtitmeahttun dehálaš gáldu. Pieski lea ovttastan sámi duoji dološ ivnniid, hámiid ja vugiid dálá dáidaga árbevieruide. Su málagovain čuovgá davvi čuovga ja daid duogážis leat áigeguovdilis temát. Pieski dáidaga guovddáš fáttat leat sámiid historjá ja boahtteáigi, eamiálbmogiid vuoigatvuođat, oktavuohta lundui, dásseárvu ja bistevaš ovdáneapmi. Lux Helsinki – čuovgadáiddadáhpáhusas jagis 2017 Helssega duopmogirku lásain čáhcerávdnjin golgan čuovgadáiddá čalmmustahtii čázi geavaheami ja luonddu suodjaleami gažaldagaid.
Pieski lea sihke aktiivvalaš sámi kultuvrra bealis hálli ja gieđa dáidduid meašttir. Pieski bargguin luondu, kultuvra ja dáidda orrot oktanaga sihke báikái čadnojuvvon ja universálat. Son oaččui jagis 2017 Suoma Dáiddaakatemiija bálkkašumi ja oassálasttii jagi 2019 Suoma paviljonga dáiddaduoji ollašuhttimii Venezia biennálas.
