Lääʹdd Kulttuurfondd
Lääʹdd Kulttuurfondd lij väʹlddkååddlânji tåimmai privatt fondd. Raajjâp määŋgärvvsaž da ǩeâllʼjeei õhttsažkååʹdd, tåimmap tiõtti, čeäppõõzz ja kulttuur peäʹlest da smeʹllkâʹttep pueʹttiääiʹj siltteeʹjid õsttmõõžži årra.
Jiõnnâm kollai da tuejjam kuâsttai juõʹǩǩåʹrnn Lääʹddjânnmest. Haaʹleep nââneed tiõtti da čeäppõõzz sââʹj õhttsažkååʹddest da tõn miârktõõzz oummuid – tõn diõtt leäʹp pâi tiõtti da čeäppõõzz beäʹlnn.
Kulttuurfoond jeällmõš lij šõddâm lååi iiʹjji äiʹǧǧen vuõǯǯum sǩiâŋkain da investâsttmõõžži puåttjest.
Miõttâp tiõttja da čeäppõʹsse veäʹǩǩteäʹǧǧen pâʹjjel 50 miljoon euʹrred piiri-iiʹjji. Tåimmap, saǥstõõllâp da vaaiktep kulttuur peäʹlest.
Činmlo mäddkåʹddfoond käʹtte veeʹzz jânnam. Še Taidekoti Kirpilä, čeäppõsniiʹǩǩid jurddum resideʹnssprogramm di Mirjam Helin -laaulǩeâšttõõttmõš da -akatemia liâ pieʹǩǩ tåimmjummuž. Määŋgain musikkniiʹǩǩin liâ âânnmõõžžâst sååitanjnorldõkkam ärvvsååitanj.
Kulttuurfoond tåimmjummuž vuäll veeʹzz Lääʹddjânnma
Lääʹdd Kulttuurfondd tåimm väʹlddkååddlânji. Kulttuurfoond 17 mäddkåʹddfoond tuärjjee tiõttjid, čeäppõõzz da kulttuur jiijjâs vuuʹdstes. Tõk jueʹǩǩe piiri-iiʹjji veäʹǩǩtieʹǧǧid da ciistid di veʹǩǩe čõõđ jeeʹresnallšem haʹŋǩǩõõzzid.
Õhtt mäddkåʹddfoondin lij Lappi fondd, koon teäddpaaiʹǩid kooll teäggted mäddkååʹdd jieʹllemviõǥǥ oouʹdeei haʹŋǩǩõõzzid di sääʹmkulttuur da aarktlaž vuuʹd tuʹtǩǩummuž.
Vaarvuâlai minoriteʹttkulttuur di kulttuur jieʹllemviõǥǥ tuärjjummuš še pååđjälstemvuuʹdest kooll Kulttuurfoond strategiaaʹje.