Suoma Kulturfoanda
Suoma Kulturfoanda lea priváhta foanda, mii doaibmá riikkadásis. Mii hukset máŋggaárvosaš ja suvdilis servodaga, doaibmat diehtaga, dáidaga ja kultuvrra ovdii ja movttiidahttit boahtteáiggi čehpiid vai sii lihkostuvašedje.
Jietnamet gullo ja bargomet oidno miehtá Suoma. Mii hálidat nannet diehtaga ja dáidaga sajádaga servodagas ja daid mearkkašumi olbmuide – danin mii leatge álo diehtaga ja dáidaga bealde.
Kulturfoandda opmodat lea čoggon logiid jagiid áigge ožžojuvvon skeŋkejumiin ja investeremiid vuoittuin.
Mii mieđihat diehtagii ja dáidagii veahkkeruđaid badjel 50 miljovnna euro jahkásaččat. Mii doaibmat, ságastallat ja váikkuhat kultuvrra ovdii.
Min čiežanuppelohkái eanagoddefoandda gokčet olles riikka. Maiddái Taidekoti Kirpilä, dáiddáriidda oaivvilduvvon resideansaprográmma ja Mirjam Helin -lávlungilvu ja -akademiija gullet min doaimmaide. Máŋggat musihkkarat geavahit min čuojanasčoakkáldaga árvočuojanasaid.
Kulturfoandda doaibmá miehtá Suoma
Suoma Kulturfoanda doaibmá riikkaviidosaččat. Kulturfoandda 17 eanagoddefoandda dorjot diehtaga, dáidaga ja kultuvrra iežaset guovlluin. Dat juhket jahkásaččat veahkkeruđaid ja bálkkašumiid ja ollašuhttet iešguđetlágan prošeavttaid.
Okta eanagoddefoanddain lea Lappi foanda, mii deattuha iežas ruhtademiin prošeavttaid, mat ovdánahttet eanagotti eallinfámu ja dan lassin sámekultuvrra ja árktalaš guovllu dutkamuša.
Áitatvuloš unnitlogukultuvrraid ja kultuvrra eallinfámu doarjun maiddái doaresbealeguovlluin gullá Kulturfoandda strategiijai.