Kulturfoandda historjá
Min historjá foandan lea áidnalunddot, go vuođđoopmodahkamet lea čohkkejuvvon olles Suoma álbmogis.
Jagi 1938 ordnejuvvui álbmotruhtačoaggin foandda vuođđudeapmin. Ruhtačoaggima ollašuhtte 30 000 skuvlamáná, ja dasa serve 170 000 suopmelačča. Suopmelaš kultuvrra hálidedje doarjut maiddái máŋggat rikkes stuorraskeŋkejeaddjit ja fitnodagat.
Nehttii sirdojuvvon vuođđudanruhtačoaggima čoagginlisttuin measta juohke suopmelaš sáhttá gávdnat fulkkiidis ja oahppásiiddis.
Suoma Kulturfoanda -nammasaš foanda vuođđuduvvui 1939. Dan ulbmilin lea “suomaálbmotlaš vuoiŋŋalaš ja ekonomalaš šaddadeami áimmahuššan ja ovddideapmi”.
Kulturfoanda oažžu ain mearkkašahtti skeŋkejumiid ja testameanttaid jahkásaččat. Nammafoanddat mis leat badjel 900.